Øyvinds dykkeblogg

Øygard.

2009-12-02T15:11:00.006+01:00

NOkre bilde frå sist dykk på Øygard.

Dybde: 20m
tid:45 min
temp: 8 grader
sikt: god! 20-30 meter

Video
http://www.vimeo.com/7865521

2009-10-09T08:21:00.002+02:00

Endeleg har eg skaffa meg ei cxannisterlykt!
halcyon 18w HID med 13,5 ah batteri.

Gler meg til å bruke den!

Skodjestraumen 4.08.09

2009-08-04T22:49:00.002+02:00

Dykkera: Vidar, Kristian og Øyvind

Djupne: max 15

temp: 13

tid: 46

sikt: sånn passe dårlig. ca 5 meter?

Dykket: Kjørte båt til bomstasjonen, der det er ei eigna stø for opp-plukking av dykkera. Kjørte der etter bort slik at vi gjekk ned ved "innløpet" til storestraumen, gjekk ned, og la oss sånn ca i midten. Derifra svømte vi i omlag ei bein linje mot midten av nybrua. Artig med litt fart over " kulen" under brua. Masse dødmannshender, og sjøpølser. Fint dykk. Skaut bøye litt før nybrua. Vi gjekk opp i båten, og kom oss såvidt gjennom lillestraumen. Liten båt med 3 dykkera+ kaptein = max last:P

fint dykk:)

Høl i drakta

2009-08-03T22:40:00.001+02:00

Då alt dykkeutstyret va på, og ej skulle til å hoppe uti, da såg ej et høl på mansjetten......

fekk no øvd sej på påkledning da om ikkje anna:P

Den nye kompressoren

2009-08-02T16:31:00.002+02:00

Det gjer godt med ein ny kompressor og eit nytt fyllelokale!

Lenge sida sist!

2009-07-21T16:32:00.007+02:00

No er det leeenge sida eg har oppdatert bloggen min!
Den siste tida har eg vore i Bulgaria, Sunny Beach saman med Elisabeth og hatt ein knakandes flott ferie. Eg har no bestillt meg plass på GUE FUNDAMENTALS til hausten,

Håpar det vil gjere meg til ein betre dykkar. Ellers slit eg med tette bihular, og et FENU-MAX til den store gullmedalje for å verte frisk til å dykke att!

oppdatering følgjer:..:)

På rett plass til rett tid!

2009-06-01T22:15:00.006+02:00

31.05.09
I helga har eg vore på Ellingsøya hjå svigers.
På søndagen reiste eg og Inge (pappan til Elisabeth) ned til sjøen der han har båt, for å fikse litt på kaia. Då vi kom ned såg vi to gutar ute på fjorden (3-400m frå land) på ei lita flytebrygge. Eg såg dei ikkje hade på seg redningsvest og at dei padla febrilsk mot land. Det var sterk vind og godt driv i sjøen, så brygga dreiv berre viare og viare ut på fjorden. Med eitt såg eg den eine stupte ut i sjøen, etterfulgt av den andre gutten. Eg tenkte at dette er galskap! Kven klarar å symje så langt i 8-10 grader kaldt vatn i sjokktilstand!? Eg kasta meg i båten, starta motoren og sette kursen utover mot dei. Eg såg det sto nokre vaksne inne på land og vifta med hendene og peika.
Det var ca 10 meter i mellom gutane. Eg kasta ut ei lite tau til den eine guten medan båten dreiv mot den andre. Dei tok i ripa, og eg tok tak i dei og reiv dei opp i båten. Dei var kun iført shorts og t-skjorte...

Eg har alddri i mitt liv sett så redde gutar! Eg trur dei måtte vere rundt 13-14 år. Den minste guten gjentok frå eg tok tak i han og inn til land "ej veit ikkje korsen ej ska få takka dej" mens han hiksta og grein. Dei var iskalde og skalv så det rista sjølv om dei hadde vore uti berre i 2 min. Det skal ikkje mykje til før ein stivnar til og sekk i så kaldt vatn!

Inne på land sto det overlyklege foreldre. Dei takka meg, men eg fekk ikkje prata så mykje med dei som eg hadde ønskt. Dei var nok litt i ubalanse dei og, etter å ha fulgt dramaet frå land. Dei spurde kva eg heitte, og dei fortalde at gutane skulle flytte ei flytebrygge fra land og ut dit den brukar å ligge (Det er ein badeplass der) då dei dreiv av.
Eg vil veldig gjerne kome i kontakt med dei og prate litt med gutane og høyre kor det går med dei. Så eg håpar dei tek kontakt, eller at eg finn ut kven dei er.

Lukka var at Inge nokre dagar før hadde kjøpt ny påhengs til båten. Den hadde og vore starta før på dagen, så den starta lett. Utan motoren hadde operasjonen teke svært mykje lengre tid, og båten hadde og drive ein del medan eg rodde. Det var sikkert 400 meter ut til der dei hoppa uti.
Det er ekkelt å tenkje på kva som hadde skjedd om vi ikkje hadde reist ned til båten akkurat da.

Snakk om å vere på rett plass til rett tid!

Nye mål for 2009

2009-05-12T21:01:00.003+02:00

Eg hadde i januar mål om følgjande:
Nitroxsertifisering
Gass blender kurs
runde 100 dykk. (hadde 75)

Per i 12.mai har eg:
Nitroxlappen
DSAT GAsBlender lappen
107 dykk.

Eg har no sett meg nokre mål til.
GUE Fundamentals
Runde 150 dykk
Decobøye og varmare hette

Fisser 09.05.09

2009-05-11T10:44:00.003+02:00

Dykkera: Thomas Nybø og Øyvind
Tid: ca 30 min
djupne: 32 m
temp: ca 6-7 grader
sikt: ca 10 meter.

Dykket: Vart med nokre karar frå Aasdk som skulle ut på båttur. Vi hadde eigentleg planlagt Iris, men vi tok ike godt Fisser. Det var relativt rolig sjø, og litt regn, men våte vart vi uansett:) Eg hadde sjølvsagt lagt att kameraet heime trudde eg, men då eg kikka i bagen, låg det der likevel. *ergeleg*
Det var ganske mørkt der nede, grunna overskya vær og seint på dag. Det var noko som var rart med båten, men har i ettertid fått avkrefta at vraket hadde knøkke. Dykka ikkje så lenge, men vi sirkla rundt styrhuset ei lita stund. Det var litt vanskeleg å orientere seg der dette dykket, men det kom seg halvvegs ut i dykket. deilig å vere i vatnet att !

Lyngstølsvatnet 26.04.09

2009-04-26T16:52:00.004+02:00

Dykkera: Øyvind og Adrian
Dybde: ca 10 meter gj.snitt på rundt 6
Tid: 1 time og 22 min (82 min)
Sikt: SUPER! 30meter minst!
Temp: 5 grader

Dykket: Flott dykk!! Vi gjekk ut på parkeringsplassen ov svømte langs vegen heilt til endes. der svømte vi under den minste brua, og runda ned til bøya som ligg utpå. Derifrå svømte vi på skrå tilbake til vi hadde veien i synet, så svømte vi over nokre grushaugar (elveleie) og inn i delar av skogen. Der kom vi bort til veien att, og fann den store brua. Der svømte eg under, medan Adrian låg på andre sida og tok bilete. ( vi knipsa sjølvsagt villt begge to under heile dykket) Vi svømte så inn i ein skog til, og så runda tilbake mot parkeringsplassen. Då var batteriet mitt tomt, og minnekortet til Adrian fullt.

Det var overskya oglitt vind då vi gjekk ned. Då vi kom oppatt var vinden løya, og det hadde komt nokre dråpar. Vatnet var svært høgt i dag, og langt over der vi grilla i fjor. Sikta var imponerande.

Der var heller ingen andre der, så vi slapp å treffe på folk under vatnet

Det vart heller ikkje kaldt med mine 6 ullplagg på overkroppen+sitteunderlag samt nokre stilogsar og ullhanskar.

Det var absolutt verdt turen, og vi tok vel tilsaman 3-400 bilete!

Skulstahavet 24.04.09

2009-04-25T19:45:00.005+02:00

Dykkera: Øyvind og Kristoffer
Tid: 71 min
Djupne: 12.2
temp: 5-6 grader
sikt: ca 5 meter

Mitt 105. dykk vart i "Skulstahavet", rett etter tunnellane før Brattvågen. (ned i dalen der). Fint dykk, litt kaldt,og litt grunt. svømte frå utløpet og innover. Artig med store sjønellikar, og ENORME sjøstjerne. Dei var sikkert 30 cm i diameter! Dykket varte ei stund, så det vart litt kaldt etterkvart. I morgon ventar Lyngstøylsvatnet. Det ser eg fram til! då skal det dykkast Leeeeeenge!

Grøtt 2.04.09

2009-04-02T22:52:00.003+02:00

Dykkera: Øyvind og Kristian
Tid: 56 min
Dybde: 28m
Temp: 5 grader
sikt: relativt god

Dykket: Dykka norover fra grøttsholmen og snudde etter ca 35 min.
Såg en feit snegle og litt småfisk. Et fint or deilig rekreasjonsdykk:)

2009-03-31T10:11:00.003+02:00

Naustet til Terese27.03.09

2009-03-30T23:01:00.002+02:00

Dykkera: Øyvind og Kristian

Dybde:23,8

Tid:59 min

temp: 5 grader

sikt: rundt 5 meter

Dykket: Roleg dykk. Lykta gjekk tom for straum tidleg i dykket. Ellers eit bra dykk. Såg litt forskjellige småkryp

Engeset 30.03.09

2009-03-30T22:18:00.008+02:00

Dykkera: Øyvind S og Kristian

Maks djupne: 30 meter

Dykketid: 64 minutt

Temperatur: 5 grader fra 0-30 meter

Sikt: Heilt ok. Litt variasjona etter djupna. Mykje bedre enn for 14 daga sida ivertfall.

(berre kopierte loggen din fra HSDK.no , Kristian:)

Har no logga 96 dykk( det ovanfor skal eigentlig vere under). satsar på å runde 100 før påske! Det vil halde hardt, men satsar på det går bra:) eg fraus nesten ikkje på dykket i dag. Einaste litt kaldt på hovudet. Det var artige formasjonar der vi dykka. (ca 400 meter vest for "Grytafisk") Eg ser velig godt verdien av å ha lykt! kommunikasjonen vert straks lettare, og ein ser på "strålen" om det er noko som ikkje er som det skal, eller om beskjedar skal giast.

Fekk og trena litt på kranskruing.

Hadde verkeleg kjensla av å sveve over bunnen i dag. Ei god kjensle:)

Grøtt 21.03.09

2009-03-30T22:14:00.003+02:00

Dykka på Grøttsholmen. Fint dykk

Dykkera: Øyvind, Martin og Kristoffer

Tid: 47 min

Dybde: 33,2m

Sikt: frå 5 meter

Temp: 5 grader

Dykket: Eit standard dykk på grøtt:=) Sikta var som om en sklleu køyre i snøkave . "Fluksene" var omtrent like store som middels snøflak. Så får satse på at dei sekk ned etter kvart .

Synnaland 20.03.09

2009-03-20T22:23:00.003+01:00

I dag har eg og Kristoffer frÅ Oslo hatt oss eit flott dykk.

Vi dykka "den vanlige" ruta, men eg bomma litt på veggen på vei ut. Det gjorde at vi hamna bort i "sandbakken" omtrent med ein gong. Sikta var dårlig mellom 20-5 meter, men under det kom det seg betraktelig. Det var mykje nakensneglar og "påkledde" sneglar. Ellers var det eit fint dykk. Eg må skryte litt av meg sjølv når det gjeld navigeringa tilbake inn til naustet;)

15. mars gøttsholmen

2009-03-17T16:00:00.001+01:00

dato: 15. mars

byddy: Kristian

Tid: 45min

Dybde: 32 m

Dykket: Dykka med 32%, men gløymde å stille computeren, så dykket vart vel konsevativt sjøl om klokka viste "deco". Gruattjukt ned til 10-15 meter, men så klarna det litt. fint dykk

11. mars

2009-03-17T15:55:00.002+01:00

Dato: 11.mars 2009

Buddy: Adrian

Tid: 48 min

Dybde: 32 m

Sikt: grei, men begunn å bli dårlig

Dykket: Kjørte med båt ut til "Lobster bay". La til inn i vika, og svømde mot vest. gjekk ned på sandbotnen og fortsette utover og ned til 32 meter. der tok vi litt bilde( adrian) eg hadde gløymt minnekortet heime.... Ellers et bra dykk. Sikkert fint å plukke kamskjel her!

Grøttsholmen 6 mars

2009-03-17T15:42:00.004+01:00

Dato: 6.03.09

Stad:Grøttsholmen

Buddy: Kristian

Tid: 50 min

dybde: 34m

Sikt: relativt god

Dykket: Dykka ned mot båten for å ta litt bilete der . vart nokre gode bilde. Skal ta med stativ neste gang, så får eg sikkert haldt kameraet rolegare.

Grytastranda 27.02.09

2009-02-28T13:56:00.003+01:00

Denne dagen dykka eg og Kristian litt utafor "grytafisk" anlegget på Grytastranda. Tørrhanskane var og kome i posten, så dei måtte sjølvsagt prøvast. Dei var ikkje enkle å få på, men det gjekk til slutt. Dykket starta roleg ned langs sandbotnheilt ned til 10-15 meter då vi runda eit berg, og fortsette viare ned langs veggen til ca 28 meter. vi svømte omlag påp den djupna ei stund før vi runda tilbake. Kristian fann nokre slimålar(?) som låg å bukta seg på botnen, før dei skvatt til og kraup in i holene sine. På rundt 23 meter såg Kristian ein liten blekksprut som for å svinsa rundt. Eg var lynrask fram med kamerat og knipsa i veg. Det vart nokre flotte bilete. Eg vart så oppslukt av blekkulfen, at eg fekk litt deco på veg tilbake , men det var berre å ta det med ro på tilbakevegen.

Dette dykket var flottt. Super sikt, deilig med tørrhanskar, vart ikkje så kald som vanleg, sjølv om vi dykka i minst 50 min. Eg fekk tilogmed å ta "back-kick", (dvs å svømme baklengs)!

Seir-Kaia 24.02.09

2009-02-24T22:19:00.004+01:00

I dag hadde eg, Kristian Osvik og Lillian Larsen oss eit dykk på Seir-Kaia i Grytafjorden. Dykket gjekk som vanlig langs veggen til vi nærma oss "hakket". fint dykk med god sikt, trass i at det var eit nattdykk.

Såg litt forskjellig, som trollkrabbe, nakensneglar og småfisk. Eit heilt greit dykk. Det var 4 grader i vatnet. Eg bytta ut fleecegneser med ein ullgenser i dag, og det vart varmare. Det vart ikkje så alt for kaldt på kroppen, men hendene fraus litt. Det skal bli godt å få tørrhanskar! Eg satsar på at dei kjem i posten i morgon! No har eg venta lenge nok:P (fekk nokre før helga, men desse vart for små, så dei er på veg tilbake til FUE i Oslo.

Seir-Kaia 20.02.09

2009-02-20T22:58:00.002+01:00

I dag hadde eg og Adrian Volstad eit fint dykk på Seir-Kaia på Grytastranda

Eg dykka med 26% nitrox, og fekk nokre ekstra minutt nede på "djupet". Det var ikkje mykje å sjå, einaste ein liten sildestim som for forbi. Adrian tok nokre flotte bilete med det proffe kameraet sitt. ( www.underhavet.com )

Det som er spesielt med denne dykkestaden, er den bratte veggen som følgjer nærast heile fjorden. den startar på 12-15 meters djupne, og fortsett heilt til 60-70 meter. Ein kan sjå striper med "sandras" ned langs heile veggen. Ein Flott stad å dykke på.

Nitroxkurs

2009-02-16T10:33:00.005+01:00

I går hadde vi dykk 2 på nitroxkurset. Vi dykka saman med ein som tok trimix 2. så vi vart mest liggande å kike på handsaming av decoflasker og krandrill. var omlag som å sjå på ei fotballtrening (berre 10 gongar meir interessant). Eg og Simon Finnøy øvde oss på oppdriftskontroll medan vi skreiv på skriveblokka. Vi trente og på "frog-kick", "helicopter turn" og "back kick". Bakoversymjing er ikkje så enkelt som det kanskje høyrest ut som.

Det var 4-5 grader i vatnet (kaldt å dyppe andletet!), og vi hadde vel ei maksdybde på rundt 10 meter. Poenget med kursa er ikkje å dykke så djupt vi kan, men øving på teknikkar. Dess utan er det vanskelegare å øve på grunnare djup, fordi ekspansjonen av lufta er dobbelt så stor, eller skjer dobbelt så fort på 10 meter enn på 20m.

Sikta var god. Etter dette dykkert har eg bestemt meg... Tørrhanskar skal anskaffast. Fingrane vart etter kvart SVÆRT kalde.

alt i alt eit svært interessant kurs. No gjenstår det berre å ta teorieksamen. Den går sikkert bra:) Er ikkje av dei mest avanserte har eg høyrt:)

Dykk på Brendehaugen

2009-02-11T21:46:00.005+01:00

I dag hadde eg, Simon og Thomas eit fint dykk på brendehaugen. Blekksprut gjorde heile dykket fantastisk!

Bilete frå dagens dykk

2009-01-29T22:50:00.001+01:00

En ny opplevelse

2009-01-29T22:34:00.002+01:00

I dag har eg og Adrian Volstad dykka på Bjørnøya. Der fekk eg prøvd den nye vingen min. Det var ein draum å svømme der nede med dette systemet på ryggen! Først no skjønar eg kva eg har gått glipp av alle dei andre dykka eg har hatt... Det var heilt ubeskriveleg behageleg. Trimmen på rig`en var perfekt!

Dette må vere det mest komfortable dykket eg har hatt i mitt liv! Tips til alle som ikkje har vinge: Kjøp vinge!

Dykkeutstyr på plass

2009-01-29T12:04:00.003+01:00

Da er endeleg Halcyonvingen min på plass, og konfigurert i DIR style ;)

Nitroxkurs og ny vinge

2009-01-26T23:24:00.006+01:00

Onsdag skal eg endeleg ta nitroxkurs! det gler eg meg til:)
Då vil det bli lengre dykk på dei (relativt)store djup!
Nitrox er slengnamnet for oksygenberika luft. Fordelem med nitroxdykking er at det er mindre nitrogen i lufta ein pustar. Ein "lurar" då kroppen til å tru at hen er grunnare enn den faktiske djupna.

Oksygen her ein andel av "lufta" på 20,9% Nitrogen har ein andel på 78%. Nitrogen er ein gass kroppen eigentleg ikkje har bruk for, og den kan difor erstatte delar av nitrogenen med meir oksygen. Sidan vanleg luft med 20,9% O2 kan føre til oksygenforgiftning på djupner fra 57m+, vil naturlegvis maksdjupna minke med akua mengde tilført oksygen. Dess meir oksygen, dess grunnare dykk, men lengre bunntid. (Det er ikkje så avansert dom det høyrast ut som.)

Sitat frå "Håndbok for dykking" :
Nitrogenet deltar normalt ikke i cellenes kjemiske livsprosess. Vi kan derfor unnvære nitrogenet og eventuelt erstatte denne med andre typer gasser. Ved en atmosfæres trykk i luft har vi ca 0,8 bar N2-deltrykk. Dersom nitrogenets deltrykk i pustegassen overstiger ca. 3,6 bar, vil nitrogenet virke tiltagende narkotisk på kroppen (nitrogen-narkose, dybderus). Ved luft som pustegass vil dette trykket oppnås ved en dybde på rundt 35 meter. Virkningen opphører så snart nitrogenets deltrykk reduseres under ca 3,6 bar. Imidlertid opptas nitrogen i krop-pens vev med økende trykk. Når så trykket faller vil vevene kvitte seg med nitrogenet igjen gjennom blodet over litt tid. Dersom trykket synker for fort, slik at vevene ikke rekker Â kvitte seg med nitrogenet raskt nok, kan nitrogenet skilles ut som gassbobler, som gir årsak til trykkfallssyke. Nitrogen-overskudd i kroppens vev er primærårsaken til trykkfallssyke.

Eg ser i alle fall fram til å forlenge dykka mine. på eit normalt "luftdykk" har ein bunntid på 30 meter på ca 20 min. Med oksygenberika luft, vil bunntida auke til ca 30min.:)

På kurset vil elevane og bli filma under dykket, for så å gå igjennom på land etterpå. Dette for å forbetre teknikkar som førar til betre dykking.

Eg har og bestillt meg ny "vinge". Halcyon Envolve 30`. Den skal kome i posten i mårgo. Då vert det dykkng:)

Resultat på matteprøva.

2009-01-21T10:00:00.003+01:00

Fekk att matteprøva i dag. 54,5% rett. Det må eg seie meg nøgd med. Eg er ikkja akkurat den største kløpparen i matte. hehe:)

Kva som skjedde i helga:

2009-01-20T10:15:00.003+01:00

Dette er kva som skjedde meg og Lillian på 2. dykket i helga.

Ei ubehagelig oppleving, men det gjekk bra til slutt.

http://www.mre.no/2360662.o2

Prosjekt "Fjellheimen 08/09"

2009-01-19T22:04:00.005+01:00

Har og vore å fylt opp flaskesettet mitt med luft. Ca 4200L "rein" Brattvågluft er trykt ned på dei to 7literane i følge mine beregningar. Det skal vel halde ei lita stund.

I kveld vart endeleg Prosjekt "Fjellheimen 08/09" ferdig! eit utall timar har gått med på anbudsregning og enhetsprisar. Det totale anbodet mitt kom på 5,4 mill for betongarbeida, innkl. forskaling og armering. I følge framdriftsplanen skal det vere ferdig i uke 43. Då har det gått med over 3000 arbeidstimar. Mappesamtale i dette faget i mårgon. Satsar på det går bra!

Dykkehelg og Flyttehelg

2009-01-19T12:38:00.000+01:00

Denne helga har eg vore i volda og dykka og hjelpt Elisabeth å flytte hybel.

Ho flytta til ei mindre leilighet med felles kjøken. Glad eg køyrde Transporter... den vart full.. Flyttinga gjekk bra, og Elisabeth fekk ordna seg til medan eg var på dykketur på laurdagen. Ei koseleg helg saman med Elisa:)

Første dykket Laurdag, var på DS Radbod, som ligg i Ørstafjorden. Der dykka eg saman med Martin frå HSDK og 5 kjekke folk frå Volda Dykkerklubb. Radbod var eit inponerande vrak! Og sikta denne dagen var svært god, noko som gjor det til eit flott dykk:) (les meir her: www.teknisk-dykking.net/Forumoriginal_1-1-3/index.php?page=48 )

Tok ein del filmar frå vraket, som etter kvart skal leggjast ut på nett.

Dykk 2 var på Berkneset. Der dykka eg saman med Lillian Frå Volda Dykkerklubb. Fint dykk der og! Starum gjorde at dykket ikkje vart slik det skulle, men vi gjennomførte med stil:) Fekk tatt nokre flotte bilete. Dette var forsåvidt og mitt dykk nr.80, så det vart eit dykk eg kjem til å hugse lenge.

Øyvind på nett

2009-01-19T12:13:00.001+01:00

Da er bloggen i boks.